منذ ثلاث و اربعة سنوات مضت و الكلام واحد
لا يتغير !! فكفي مزايدة لان التغيير لابد ان
يشمل تصرفاتنا الشخصية و ليس فقط
بنغير رؤسآنا !!!اا

كلمة عدد يوليو 2009
دى بلد تيييييت.... يا عينى عليكى يا مصر
" آسف يا احمد لأنى تأخرت عليك ، الشوارع كانت زحمه جدا و سواق تاكسى خبطلى العربية ، اعمل ايه بس دى بلد تييييت
كم من هذه الجمل ومثيلتها نسمعها و نرددها يوميا مع التنوع و الاختلاف فى إختيار كلمات السباب للبلد ؟ و هل هذا السباب فى محله؟اا
الرجل تأخر عن الميعاد لان الشوارع مزدحمه و التاكسى خبط السيارة طيب ايه ذنب البلد ؟ ما احنا كأشخاص اللى عاملين الزحمه و احنا برضه اللى بنسوق التاكسى طيب ايه ذنب البلد؟
و يقول آخر.. شفت الخناقه اللى حصلت بين أعضاء مجلس الشعب النهارده؟ دى عالم بتهزر يا سيدى و حاجة تكسف ، يا عم دى بلد تييييت
يا سيدى هى البلد برضه اللى قالت للناس تتخانق مع بعض ولا هى اللى قالت للناس تنتخب الاعضاء دول.اا
و آخر... " النهارده شفت حادثه وحشه جدا على المحور، سواق نقل شال خمس عربيات ، و كل يوم لازم اشوف حادثه فى نفس المكان ، مافيش فايده دى بلد تييييت
لا اله الا الله ، يا عم حرام عليكوا ، هى البلد برضه اللى قالت للسواق يضرب سيجارة الاصطباحه ولا حتى عسكرى المرور المقصر فى عمله ولا حتى العربيه الملاكى اللى ماشيه عكس الاتجاه؟
و كمان... " شفت يا عم كم الشحاتيين حول السياح فى منطقه الازهر ، منظرنا وحش و حاجة تكسف فين الحكومه تلم الناس دى ، و الله دى بلد تييييت!!!اا

المزيد...